Rosa sløyfe-løpet Lillehammer

Dette er løpet som passar for alle; store og små, unge og gamle, spreke og litt mindre spreke – og uansett kjønn og legning. Du kan springe fort, jogge roleg, eller gå. I denne løypa går det også an å ha med barnevogn. Om du ønskjer å ta tida kan du gjere dette sjølv.

Start og mål er ved Håkons hall. Løypa er 3,4 km, du kan også springe 6,7 km (to runder), om du ønskjer det.

Løypebeskrivelse:
Løypa startar på baksida av Håkons hall, går opp Kleivbakken og fortsetter sørover i Tverrløypa, over Mesnaelva og Åveita og gjennom bustadsområdet i Nybu på grusveg i småkupert terreng. Etter Nybu svinger løypa nedover på nordsida av Maihaugen ned til Martin Seips veg og vidare bort Turisthotellvegen, over parkeringsplassen ved hotellet, ned til Badedammen, over Finna bru. Siste biten går løypa på nedsida av Birkebeineren hotell, svinger opp til høgre, opp på ein liten høgde før det er ned att til mål på grusplassen på sørsida av Håkons hall.

Lang løype (6,7km) følger same trasé, men i staden for å springe ned mot mål fortsetter ein opp att til toppen av Kleivbakken og same runde ein tur til.

Påmeldingsfrist:
24.september – for å få deltakarpakka før løpet (den blir sendt i posten). Elles kan du melde deg på heilt fram til start, men da blir deltakarpakka sendt i posten heim til deg i etterkant.

Anna informasjon:
Henting av startnummer:
I foajeen i Håkons hall fra kl 17.00, hugs å berekne god tid.

Uttrekkspremier: Ved henting av deltakarpakka får alle eit lodd. Det blir trekking av premier gitt av handelsstanden i Lillehammer når alle er i mål.

Oppvarming:
Instruktørar frå SIX trening har felles oppvarming frå kl 17.35.

Toalett:
Det er toalett i Håkons hall.

Adkomst/parkering:
Med bil: Følg skilting mot Olympiaparken. Det er mogleg å parkere ved Håkons hall, langs Sigrid Undsets veg og ved Stampesletta sør (Birkebeinervegen/Badedammen/Birkebeineren hotel).
Kollektivtransport: Ta buss fra skysstasjonen (plattform G). Du kan ta både B2 (INN/Storhove), B3 (Ekromskogen) og B6 (Skihytta).
Sykkel: Det er sykkelparkering langs langveggen på Håkons hall (mellom inngangsdørene).

Kan dette vere eit treningsmål for hausten? Ta med deg ein ven eller ei venninne, eller kva med eit familiemedlem? Det er mykje meir morosamt om ein kan trene i lag 😊 Dette kan også vere eit fint sosialt tiltak på arbeidsplassen. Ta kontakt om du ønskjer å melde på ei bedrift!