Rosa sløyfe-løpet NORDSIDA 2026

Informasjon om løpet

Bli med å farge Nordsida rosa i år også🌸
For å auke fokuset på brystkreftsaka, gjentek vi suksessen frå i fjor, og arrangera rosa sløyfe-løp på Nordsida 24.oktober kl.11.30-15.00🎀

Løpet er eit lavterskelløp, med mulighet for å både springe, gå, danse, trille barnevogn/rullestol/rullator eller sykle🚴 Ta med deg ein venn, pappa, bestemor, onkel, nabo, tanteunge, barnebarn eller deg sjølv og bli med🌸 Det viktigaste er at vi har det kjekt i lag, samtidig som vi er i aktivitet og bidreg til livsviktig forskning på brystkreft🎀

Oppmøte er på Fjellvarden (Panoramavegen 1212), med start og målgang der! Ruta er den samme som i fjor; rundt Sølvbertunet + Sagehaugen. Den er på ca 3km, med mulighet for å gjere den både kortare (ca. 1,5 km) og lenger (ca. 4,5 km eller 6 km) for dei som ynskje det💕

Det blir registrering på Fjellvarden fra kl 11.30, og felles oppvarming med 🌟Gudrun🌟 ca. kl 12.45 for dei som vil vere med på det! Felles start kl.13, men du kan starte når du vil. Vi håpar alle er komt i mål til kl 14.15🌸

Det vil vere åpen kiosk til inntekt for brystkreftforskninga under heile arrangementet, og etter målgang blir det trekning på startnummer, med mulighet for å vinne gode premiar🌸 Alle som deltek får også årets deltakerpakke og medalje🥇

Nytt i år er at det er laga eit rosa sløyfe-løp Mini. Alle fra 3-9 år kan melde seg på gratis, og får då årets mini deltakerpakke med startnummer og medalje🏅🌟 (Vi vil likevel oppfordre til å vippse 50kr per barn til brystkreftforskninga, dette kan de gjere på løpsdagen)

Du kan melde deg på heilt fram til løpsdagen, men vi oppfordrar alle til å melde seg på før 10.oktober💕 (Vi blir kontakta ang antall deltakarpakka, så det gjer det enklare å berekne riktig antal pakkar)🌸

Har du spørsmål så berre ta kontakt🎀
Vi håpar å sjå deg på eit av årets viktigaste løp, dette blir ein knall dag🎀

*Gratis påmelding for barn mellom 3-9 år🏅
*Rabattert påmelding for alle under 18 år🏅

Rosa sløyfe-løpet NORDSIDA 2026

Løypekart